Somalia: Barlamanka oo xubno ku celiyay xukuumadda
-
- Posted On 08-02-2016, 04:22PM
MUQDISHU- Barlamanka Federaalka Somalia oo maanta kulan ku yeeshay xarunta golaha shacabka ee magalada Muqdishu, islamarkaana ay soo xaadireen 142 mudane ayaa looga hadlay dhawr qodob oo ka mid ahaayeen xeer hoosaadka Barlamanka iyo xubnaha golaha garsoorka ee xukuumaddu soo gudbisay.
Waxaa kulanka oo shir gudoominayay Maxamed Sheekh Cusmaan Jawaari ay ajandaha ka saareen islamarkaana dib ugu celiyeen xukuumadda golaha adeegga garsoorka, maadama sida ay sheegen uusan dhameystirneyn. .
Xubna la keenay Barlamanka ayaa lagu tilaamamay inay yihiin shan xubnood sharciguna dhigayo sagaal qof, sidaasi darteeda aysan kadoodi karin iyagoo dib ugu laalay golaha xukuumadda Somalia.
Dhanka kale waxaa fadhiga golaha Barlamanka Somalia ee Muqdishu, looga dooday , wax ka badal lagu sameynayo xeer hoosaadka golaha, waxaa dood kadib Xildhibaanadu ukala jabeen labo qaybood; kuwa taageeray xeerka hadda jira iyo kuwa soo jeediyeen in wax ka badalka lagu sameeyo Qodobka 28-aad farqadiisa 1aad xeer hoosaadka golaha shacabka.
GAROWEONLINE
