Madaxweynaha Mali oo si Kumeel-gaar ah ula Wareegay Xilka Wasiirka Gaashaandhigga

BAMAKO, Mali – Hoggaamiyaha milatariga dalka Mali, Kolonel Assimi Goïta, ayaa si rasmi ah ula wareegay mas'uuliyadda xafiiska wasaaradda gaashaandhigga dalkaas, ka dib markii ay kordheen weerarrada ay geysanayaan kooxaha hubeysan.

Go’aankan ayaa yimid ka dib markii dalkaas ay ka dhaceen weerarro is-daba-joog ah oo lagu qaaday saldhigyo ciidan iyo goobo muhiim ah.

Madaxweyne Goïta ayaa doonaya inuu si toos ah u kormeero howlgalada milatariga iyo qorshayaasha lagu sugayo amniga qaranka, si looga guuleysto kooxaha kacdoonka wada ee ku baahay qeybo ka mid ah dalka.

Maali ayaa muddooyinkii dambe la tacaalaysay xaalado ammaan darro, taas oo keentay in hoggaanka milatariga ay qaadaan tallaabooyin dheeri ah oo ay ku xoojinayaan taliska ciidanka.

La wareegidda xilka wasiirka gaashaandhigga ee madaxweynaha ayaa loo arkaa fariin ku socota kooxaha hubeysan iyo mid kor loogu qaadayo niyadda ciidamada qaranka.

Tallaabadan ayaa sidoo kale qayb ka ah isbeddello ballaaran oo lagu sameynayo qaab-dhismeedka amniga ee dalka Mali, iyadoo dalku ku jiro xilli kala guur ah oo ay hoggaaminayaan milatarigu.

GAROWE ONLINE