Markabkii ugu horeeyay oo ay leedahay Itoobiya oo ku xirtay Dekad ku taalla Kenya

LAMU - Dekadda Lamu waxa kusoo xirtay markab laga leeyahay dalka Itoobiya oo lagu magacaabo MV Abbey kaas oo keenay 60,000 metric tonnes oo bacriminta beeraha ah oo loogu talagalay Koonfurta Itoobiya, tallaabadaas oo muujinaysa in Itoobiya ay diyaar u tahay isticmaalka dekadaha Kenya.

Waxaa ka qeyb galay soo dhaweynta markabka labo wasiir oo ka tirsan xukuumadda Itoobiya; Wasiirka Wasaaradda Beeraha ee dalka Itoobiya Girma Amante iyo Wasiirka Wasaaradda Beeraha ee dalka Kenya Dange Boru oo horkacayay wefti heer sare ah oo ka socday Hay’adda Badaha Itoobiya iyo Waaxda Gaadiidka iyo Saadka.

Isagoo ka hadlayay intii lagu guda jiray soo dhaweynta, Captain William Ruto ayaa soo dhaweynta ku tilmaamay mid taariikhi ah oo cadeyneysa in ay suurta gal tahay in la isticmaalo dekadda Lamu iyo wadada LAPSSET ee loo dhisay isku xirka labada dal.

Waxa uu sheegay in imaatinka ay astaan ​​u tahay; gobol ahaan maadaama ay muujinayso tillaabooyinka la taaban karo ee ay dawladda Kenya ka samaysay xoojinta iskaashiga ganacsi ee midho dhalka ah ee ay la leedahay Itoobiya.

"Tani ma ahan oo keliya ganacsi, laakiin sidoo kale waa tallaabo muhiim ah oo loo qaaday xoojinta is-dhexgalka gobolka iyo kobcinta iskaashiga dhaqaale ee ka dhexeeya waddamadeena," KPA MD ayaa sidaa yiri.

Agaasimaha Guud ee wadada LAPSSET Simon Ikua waxuu xusay in imaanshaha markabka MV Abby ay muujinayso sida ay dawladda uga go’an tahay is dhexgalka gobolka iyada oo horumarinaysa deked ganacsi oo labaad (Lamu Port) si ay uga faa’iidaysato dhaqaalaha aadka u wayn ee aan kaliya ku koobnayn marinka waqooyi ee sidoo kale dhinaca Koonfurta Itoobiya.

Wasiirka Beeraha ee Itoobiya Girma Amante ayaa hadalkiisa ku sheegay in Waddada isku xirta Lamu Port-South Sudan-Itoobiya ay tahay mashruuc isbedel leh oo muhiim u ah hamiga Afrika in la sameeyo aag ganacsi oo xor ah, maadaama ay taageerto isu socodka xorta ah ee badeecadaha, adeegyada iyo dadka guud ahaan. 

Itoobiya ayaa ku tiirsan dekadaha Jabuuti, waxaana hadda ay raadinaysaa kuwa kale, oo ku yaalla dalalka deriska, sida Kenya iyo Soomaaliya.

GAROWE ONLINE