Sudan: Guddiga Denbiyada dagaalka oo la dhaariyay

KHARTOUM, Sudan - Guddiga cusub ee lagu magacaabo guddiga denbiyadda dagaalka iyo tacadiyada ay gaysteen xoogaga " Dacm-Sariic" ayaa gutay dhaarta Dastuuriga ah.

Madaxweyne ku xigeenka golaha madax-banaanida ee dalkaas, Maalik Caqaar ayaa goobjoog ka ahaa munaasabadda .

Dagaalka Suudaan ayaa waxaa ka dhashay dhibaatooyin rayidka gaaray iyada oo golaha Milatariga ee guddigaan magacaabay ay ku eedeynayaan "Dacm-Sariic" in ay u geysteen dhibaatooyin rayidka.

Dhacdooyinka la diiwaan-geliyay ee ay warbaahintuna tabisay ayaa waxaa kamid ah in xoogaga "Dacm-Sariic" ay galeen isla markaana ilaa haatan ay saldhigyo ka dhigteen guryihii muwaadiniinta ee magaalooyinka waawayn kedib markii Milatariga Suudaan ay duqeymo ku wadaan xeryahoodi.

Meelaha lagu eedeeyay in "Dacm-sariic" ay dageen waxaa kamid ah safaarado iyo xarumo dublamaasiyadeed.

GAROWE ONLINE