​Sevilla oo ku guulaysatay Euro League

Kulan aad u xiisa badnaa oo xalay dhexmaray labada kooxood ee kala ah Liverpool iyo Sevilla ayaa ku dhammaatay natiijo ah 3:1 oo guushu ku raacday kooxda ka dhisan waddanka Spain.

Cayaartan ayaa qaybtii hore u muuqatay mid labada kooxood daganaan dheelayaan islamarkaana mid walba ilaashanaysay in shabaqooda la taabto, hase ahaatee waxaa gool ku hormartay daqiiqadii 35-aad kooxda waddanka Ingiriiska ka dhisan ee Liverpool, waxaana u dhaliyay xiddigooda weerarka ka cayaara ee Sturridge.

Qaybtii hore ayaa ku dhammaatay 1:0, balse waxay isbadashay wareegii dambe iyadoo kooxda Sevilla soo bandhigtay cayaar cajiib ah, waxayna iska soo gudday goolkii lagu lahaa iyadoo ugu badashay labo kale, waxaan labo kamid ah u dhaliyay xiddigooda Coke, halka mid kale uu shabaqa dhex dhigay Gamiero.

Kooxdan reer Spain  ee Sevilla ayaa sannadkii saddexaad oo isku xigta ku guulaysatay koobka loo yaqaan Euro League.

GAROWEONLINE