Bashaar al-Asad oo guusha ciidankiisa soo dhaweeyay
-
- Posted On 22-12-2016, 11:51PM
Madaxweynaha Syria Bashar Assad ayaa soo dhaweeyay guusha ay ciidanka dalkaasi ka gaareen dagaalka magaalada Xalab, halkaasi oo dhawaan laga saarey mucaaradka.
Madaxweyne Assad ayaa ku tilmaamay guusha dagaalka Xalab, mid usoo hoyatay dhammaan dalalka dagaalka kula jira Argagaxisada, sida laga soo xigtay TV-ga Qaranka Syria.
Bashar ayaa si gaar ah ugu mahadceliyay dowladda Ruushka kaalintii ay ka qaadatay howlgalka Mucaaradka looga saarey magaalada Xalab, ee waqooyiga Syria.
Assad ayaa hadalkan ka sheegay kulan uu la qaatay ku-xigeenka wasiirka arrimaha dibada Iran Hossein Jaberi Ansari, oo booqasho ku joogo magaalada Dimishiq, ee xarunta Syria.
Iran iyo Ruushka ayaa ka gacan siinayay dowladda Syria dagaalka ay kula jirto Mucaaradka oo soo billowday Bishii Maarso 2011.
Mucaaradka ayaa isaga baxay magaalada Xalab, waxaana ay kuu qaadatay ciidamada Syria inay la wareegeen 3 sano, oo ay socdeen dagaallo iyo duqeymo joogto ah oo dad badan ay ku dhinteen.
GAROWEONLINE
