Booliiska Canada oo qabtay rag weeraray masaajid
-
- Posted On 30-01-2017, 02:25PM
Booliska Canada ayaa sheegay inay gacan ku dhigeen labo qof oo lala xiriirinayo weerar ka dhacay Masjid ku yaallo magaalada Quebec, kaasi oo ay ku dhinteen Lix ruux.
Saraakiisha Booliska magaalada Quebec ayaa sheegay inuusan jirin qof saddexaad oo ka qeyb-qaatay weerarka xarunta dhaqanka Islaamka ee Masjidkaas.
Weerarka ayaa dhacay xilli dadka ay ku jireen salaada maqrib, waxaana tacshiirad ay fureen koox hubaysan naftooda ku waayay 6 kamid ah dadkii tukanayay iyadoo 8 kalena ay dhaawacmeen.
Ra'iisul Wasaaraha Canada Justin Trudeau, ayaa cambaareeyay weerarka, oo uu ku tilmaamay mid argagaxiso, oo lagu qaadey dad Muslim ah oo aan waxba galabsan.
Dhanka kale, Justin Trudeau ayaa shaaciyay in dalkiisa uu qaabilayo dadka Muslimka ah ee uu Madaxweyne Doland Trump ka mamnuucay inay galaan dalka Mareykanka.
Dad badan oo Qaxooti Syrian ah ayaa dib u dejin looga sameeyay dalka Canada, maadaama dalkooda uu ka socdo 5 sano oo colaad ah, taasi oo kumanaan qof ay ku dhimatay.
GAROWEONLINE
