Labo Falastiiniyiin ah oo ku dhintay Duqeyn Israel ka fulisay Gaza

Diyaaradaha dagaalka Israel ayaa duqeyn waxay ka fuliyeen magaalada Gaza ee dhulka reer Falastiin, xilli shacabka dalkaasi ay samaynayaan dibadbaxyo looga soo horjeedo go'aankii Trump Qudus ugu aqoonsaday Caasimadda Israel.

Ugu yaraan labo Falestiiniyiin ah ayaa ku dhintay qaar kalena way ku dhaawacmeen duqeybta oo ay gaysatay diyaarad Drone ah taasi oo ay leeyihiin ciidamada Militariga Israel.

War kasoo baxay Wasaaradda Caafimaadka Falastiin aaa lagu sheegay in labada ruux ee ku dhintay duqeynta Israel ay yihiin xubno katirsan ururka  Islamic Jihad oo ku sugnaa xaafada Beit Lahia ee waqooyiga magaalada Gaza.

Militariga Israel ayaa beeniyay in weerarka ay ka dambeeyeen.

Israel ayaa kordhisay weerarada ka dhanka ah magaalada Gaza oo gacanta ay ku hayaan Xoogaga Xamaas si ay uga hortagto gantaallada deegaanadeeda looga soo tuuro magaaladaasi.

GAROWE ONLINE