Madaxweynaha Ukraine oo ka hadlay dilka wariye caan ah
-
- Posted On 21-07-2016, 01:35PM
Madaxweynaha dalka Ukraine Petro Poroshenko ayaa ka hadlay dilka Wariye caan ah oo shalay lagu dilay magaalada Kiev kadib miino loogu xiray baabuur uu watay isagoo doonayay inuu ka qayb galo bandhig uu samaynaya Radio fadhigiisu yahay dalkaasi.
Pavel Sheremet, oo da’diisu aheyd 44 ayaa ahaa wariyaha la dilay, waxaana arrintaasi cambaareeyay Madaxweyne Poroshenko oo ku tilmaamay dambi qaran, wuxuuna laamaha ammaanka ka codsaday inay baaritaan ku sameeyaan ciddi ka dambaysay.
Wariye Sheremet ayaa ka howlgali jiray website ka Ukrainska Pravda,isagoo horay u ahaan jiray mid ka shaqeeya TV-qaranka ee Raashiya ka hor intii uusan u soo dhaqaaqin dhinaca dalka uu ku dhintay.
Ninka u dhashay dalka Belarus ayaa aad caan uga ahaa dunida, wuxuuna saaxiib dhow la ahaa madaxda waddankaasi iyo siyaasiyiin magac ku lehda dalka Raashiya.
Majirto ilaa hadda cid sheegatay dilka wariyahaasi, waxaana booliska dalkaasi baadi goob ugu jiraan sababta loo dilay.
Sheremet ayaa sannadkii November 28, 1971 ku dhashay magaalada Minski dalka Belarus, wuxuuna kasoo shaqeeyay warbaahino kala duwan isagoo inta badan arrimaha siyaasadda wax ka qori jiray.
GAROWEONLINE
