Nin halis galiyay cunugiisa si uu u helo “Like”
-
- Posted On 20-06-2017, 06:01PM
Maxkamad fadhigeedu yahay magaalada Algeirs ee caasumadda dalka Algeria ayaa xabsiga dhigtay nin halis galiyay cunigiisa si uu helo “Like” isagoo kasoo laad-laadiyay dabaq dheer.
Aabaha ayaa dadka la wadaagay sawir uu ka muuqado isaga oo canuggiisa isaga oo ku soo qoray "1,000" likes saara ama waan sii dayn.
Booliiska ayaa sheegay inay xabsiga dhigeen Sabtidii ninkan oo aan magaciisa la shaacin.
Maxkamadda ayaa ku riday Labo sano oo xabsi ah isagoo lagu helay dabi ah inuu ku khamaaray nolosha ilmo yar oo aan waxba galabsan.
Ninkan ayaa kasoo muuqday baraha bulshada isagoo lagu dhaleecaynayo inuu halis galiyay cunug yar oo aan waxba galabsan iyadoo ay ka tahay ciyaar iyo helo taageero badan.
Barta internetka ee warbaahinta Al Arabiya ayaa sheegtay in ninkaas oo aysan magacaabin uu cannuga ka soo laadlaadiyay dabaqa 15 ee dhismo ku yaalla magaalada caasimadda ah ee Algiers
Dadka qaybtood ayaa baraha bulshada u isticmaalay waxyaabo aan haboonayn iyagoo raadinay inay helaan taageero ama shacbiyad, balse dhacdadan ayaa imaanaysa xilli kiisan badan ay ka dhacaan dadka isticmaala aaladda Facebook.
GAROWEONLINE
