Qarax ka dhacay dalka Bahrain
-
- Posted On 05-02-2017, 03:56PM
Qarax xooggan ayaa ka dhacay caasimadda dalka Bahrain ee Manama, kaasi oo lagu soo waramayo inuu sababay khasaarooyin kala duwan, sida ay Saraakiisha dalkaasi sheegeen.
Wasaaradda Arrimaha Gudaha Bahrain ayaa cadaysay in qaraxa uu ka dhashay Bam la dhigay wado qarkeeda oo ku dhaw saldhig Boolis iyo xafiisyo dowladeed.
Dowladda Bahraini ayaa ku eedaysay qaraxa Koox Islaami ah oo gacan-saar la leh Iran, taasi oo qeyb ka ah qalalaasaha siyaasadeed iyo amni darrada dalkaasi ka jirta tan iyo 2011.
Dibaxbaxyo looga soo horjeedo dowladda Bahrain ayaa ka soconayo dalkaasi kamid ah Wadamada Khaliijka mudo 5 sano ah, kuwaasi oo sii xoogeystay markii bishii lasoo dhaafay 3 nin oo shiico ah, oo lagu eedeeyay inay qarax ku dileen 3 Askari oo Boolis ah 2014.
Dowladda Iran ayaa lagu eedeeyay inay gadaal ka riixayso dhaq-dhaqaaqyada mucaaradka ay wadaan, gaar ahaan dadka shiicada ah, oo doonayo inay afgenbiyaan Boqortooyada Sunniga ah.
GAROWEONLINE
