Qarax ka dhacay dalka Iraq
-
- Posted On 14-11-2016, 01:50PM
Ugu yaraan lix ruux ayaa ku dhimatay qarax ka dhacay Koonfur Galbeed magaalada Baghdad, ee xarunta dalka Iraq.
Weerarka ayaa ka dhacay Ain al-Tamer, halkaasi oo weerar ku qaadeen rag katirsan Ururka Daacish, kuwaasi oo bartilmaameedsaday saldhig ciidan.
Wasaarada Arrimaha Gudaha dowladda Iraq ayaa sheegtay in ciidamada amaanka ay dileen lix Dagaalyahan oo katirsan Daacish inta uusan dhicin qaraxa.
Dowlada Iraq waxay sheegtay in goobta uu weerarka ka dhacay amnigeeda aad loo adkeeyay, islamarkaana kahortageen weeraro dhowr ah oo Daacish qorsheynaysay.
Ain al-Tamer, waxay 50km u jirtaa magaalada Karbala, oo ay ku badan yihiin Dadka Shiicada ah, waxaana magaaladaasi saldhigyo ku leh Kooxda Daacish.
Weerarka ayaa dhacay xili Ciidamada dowladda Iraq iyo Malleeshiyaad Shiico ah ee dagaalka kula jiraan mudo ku dhaw hal bil duleedka magaalada Mosul.
GAROWEONLINE
