Suudaanta Koofureed oo diiday ciidamo dheeraad ah
-
- Posted On 17-07-2016, 01:37PM
Dowladda Suudaanta Koonfureed ayaa kasoo horjeesatay ciidamo dheeraad ah oo loo diray waddankaasi, waxayna ku doodeen inay haystaan ciidamo ku filan amniga iyo kala dambaynta.
Safiirka Suudaanta Koofureed u qaabilsan Midowga Afrika iyo IGAd, James Pitia Morgan, oo hadalkaasi sheegay ayaa xusay in dalkooda uu madax banaanyahay islamarkaana aqbalikarin farogelin dheeraad ah.
Waxay sidoo kale kasoo horjeestay cunuqabatayn uu ku baaqay xoghayaha Guud ee Qaramada Midoobay Ban ki Moon, kaasoo sheegay in waddankaasi la saaro xayiraad dhinaca hubka ah.
Shirka madaxda Afrika ee ka socda Kigali ayaa la filayaa in laga soo saaro go'aamo arrintaasi la xiriira.
Dalalka qaar waxay ku talinayaan in ciidamada labada dhinac ee ishaya lakala fogeeyo, ciidammo nabad ilaalin ahna lakala dhex dhigo.
Colaaddan ayaa salka ku haysa khilaafka ka dhex-taagan labada mas'uul ee madaxweynaha iyo ku-xigeenka dowladda Koonfurta Sudan.
GAROWEONLINE
