Xujey ka socota dalka Qatar oo soo gaartey Wadanka Sucuudiga
-
- Posted On 18-08-2017, 01:35PM
JEDDAH- 100-kii qof ee ugu horeysay Xujey ka socota dalka Qatar ayaa ka soo gudbey Salwe ee ku taal xadka u Wadankaan la leeyahay dalka Sucuudiga waxaana halkaas ku soo dhoweeyey saraakiil.
Xujeydaan ayaa Wadanka Sucuudiga ku soo galay iyagoo aan wadan waraaqaha dal ku galka waxayna marti u yihiin King Salman iyadoo la bixinayo dhamaan kharash ku baxaya.
Boqorka dalka Sucuudiga ayaa sidoo kale amar ku bixiyey in dadka Xujeyda ah ee ka socda dalka Qatar lagaga soo qaado garoomada Dammam iyo Al-Ahsa diyaarado ( Saudi Arlines) laguna geeyo magaalooyinka barakeysan Madina iyo Jeddah.
Col. Hassan Al-Dossari oo ah madaxa waaxda socdaalka Salwe ayaa Arab news u sheeegey in ay sharaf u tahay iney u adeegaan Martida Ilaahey (Xujeyda) isagoo xusey iney ku faraxsan yihiin go'aanka boqorka dalka Sucuudiga ku fasaxay walaalaha Qatar.
Dalka Sucuudiga iyo wadamada kale ee khaliijka xulifada yihiin ayaa xiriirka u jarey Wadanka Qatar halka dhinaca kale cunaqabateyn ku soo rogeen.
GAROWEONLINE
