Al-Shabaab oo shaacisay in ajnabi uu fuliyey is-qarxintii Janaa Cabdalle
-
WARIYAHA MUQDISHO GAROWE ONLINE
- Posted On 19-03-2023, 10:26AM
MUQDISHO, Soomaaliya - Dagaalameyaasha Al-Shabaab ayaa shaaca ka dhigay in nin ajnabi ah una dhashay Burundi uu fuliyey weerarkii is-miidaaminta ku bilowdey ee ka dhacay degaanka Janaa Cabdalle ee gobolka Jubada Hoose.
Warbaahinta ku hadasha afka xoogaga gacansaarka la leh Al-Qaacida ayaa baahisay in magaca naftii-haligahan uu yahay Dnayizeye Isxaaq Khaalid isla markaana kooxda looga dhex-yaqinay Showkaani.
Sidda ku xusan warbixinta warbaahinta Al-Shababa, Showkaani oo kasoo jeeda beesha Hutu ayaa waxa uu dhashay sanadka markii uu ahaa 1992-dii, oo ah sanad kahor dagaalkii sokeeye ee Soomaaliya.
"Showkaani waxa uu Soomaaliya imaadey todoba sano," ayaa lagu yiri warbaahinta Al-Shabaab oo maalmihii lasoo dhaafay usoo wareegtay baraha bulshadda kadib markii website-kooda ay xirtey dowladda Soomaaliya.
Tobanaan askari ayaa ku naf-weyday weerarkii Janaa Cabdalle oo dhacay 7-dii bishan March, 2023. Jubaland waxay xaqijisay in weerarkaas looga gubay ama looga qaatay gaadiid ciidan wallow ay hoos-u-dhigtey tirada Al-Shabaab sheegatay.
GAROWE ONLINE
