Baarlamaanka dowladda Puntland oo meelmariyey xeer cusub
-
Baarlamaanka Puntland
- Posted On 18-11-2020, 01:15PM
GAROWE, Puntland - Fadhiga 14-aad ee Kalfadhiga 47-aad Golaha Wakiillada Dawladda Puntland oo uu shir-guddoomiyey Guddoomiyaha Golaha Wakiillada DPL Mudane Gudoomiye Abdirashid Yusuf Jibril oo ay wehliyaan, ku xigeenka 1aad Hon. Abdiaziz Abdullahi Osman iyo ku xigeenka 2-aad Mudane, Ismaaciil Maxamed Warsame.
Xildhibaannadda Golaha Wakiillada DPL ayaa maanta qodob-qodob uga dooday xeerka illaalinta Af-Soomaaliga, iyagoo ugu dambeyntiina cod gacan-taag ah ku ogolaadeen 34 Mudane, diidmo ma jirin, aamus 3 Mudane.
Xeerka ayaa lagu ansixiyey wax ka bedelka Guddiga Arrimaha Bulshada iyo Dhaqanka oo lagu-daray wax-ka-bedelka Golaha.
Ujeeddooyinka xeerka ayaa ah Badbaadinta iyo horumarinta Afka hooyo oo ah furaha aqoonta iyo horumarka.
Sidoo kalena, waxa uu si faah-faahsan uga hadlayaa Dhiiri-gelinta iyo gacan-siinta dadaallada dhinacyada ku hawlan badbaadinta, horumarinta afka, nooleynta, kaydinta sooyaalka, hiddaha iyo dhaqanka suubban ee Soomaaliyeed.
Xeerka ayaa waxaa soo gudbiyey Golaha Xukumadda gaar ahaan Wasaaradda Warfaafinta, Isgaarsiinta, Dalxiiska, Hiddaha iyo Dhaqanka.
Baarlamaanka Puntland
