Booliska Puntland oo gacanta ku dhigay koox burcad badeed ah

Kooxdaan ayaa ku eedeysan falka Burcad-badeednimo ee afduubka Markabka Bulgarian Bulker MV Ruen.

Garowe, Soomaaliya - Taliska Booliska Puntland ayaa warsaxaafadeed uu soo saaray ku sheegay in howlgal ay ka sameeyeen xeebaha gobolka Nugaal ay ku soo qabteen rag lagu eedeeyay burcad badeednimo.

Kooxdaan ayaa ku eedeysan falka Burcad-badeednimo ee afduubka Markabka Bulgarian Bulker MV Ruen kaas oo bishii December 14 ee sannadkii hore lagu dhacay xeebaha Yemen.

Booliska Puntland ayaa ku sheegay Qoraalka magacyada eedeysanayaasha ee la soo qabtay, kuwaas oo kala ah:

1. Ibrahim Cabdi Salaad
2. Maxamed Maxamed Casayr
3. Maxamed Mire Cali.

Markabka MV Ruen oo ay saaranaayeen 18-shaqaale ayaa waxaa afduubka u geystay lix qof looga shakisanaa inay yahiin burcadbadeed Soomaali ah.

Ciidamada badda Hindiya oo dhacdadaasi ka jawaabaya ayaa aagga uu falka ka dhacay u soo diray markab dagaal & diyaarado si ay u soo helaan una caawiyaan markabka.

GAROWE ONLINE