Bosaso: booliska oo hawlgallo wada

Image

Sept 30, 2014 (GO)- Taliska booliska gobolka Bari ayaa ka warbixiyey hawlgallo ammaanka lagu sugayo oo labadii maalmood ee ugu dambeeyey magaalada Bosaso laga waday.

Taliye ku xigeenka qaybta booliska gobolka Bari Axmed Yuusuf Muuse ayaa sheegay in howlgalladu isugu jiraan qabqabashada tuugada; iyo dadka daroogada ka ganacasda  gaar ahaan khamriga iyo la dagaalanka bacaha madow ee baabuurta muraayadaha looga dhejiyo.

Ku dhowaad toban qof oo kuwa dadka moobilada ka furta iyo kuwa daroogada isticmaala isugu jira ayuu taliyuhu sheegay in boolisku ay qabteen dabadeena xabsiga u gudbiyeen kaddib markii maxkamadda gobolka lasii marsiiyey.

Ugu dambeyntii wuxuu sheegay in ammaanka gobolka Bari gaar ahaan kan magaalada Bosaso uu aad u wanaagsan yahay, wuxuuna digniin adag u diray tuugada iyo daroogiistayaasha isagoo xusay in meel kasta oo ay galaan boolisku kaga daba tegi doono lana soo qaban doono.

Punltand ayaa dhowr mar oo hore mamnuucday bacaha madowga ah ee lagu dhejiyo muraayadaha baabuurta, maadaama la sheegay in dadka geysta falalka ammaan darada ahi ay bacahaas si joogto ah u isticmaalaan.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM