Bulshada rayidka ah ee Puntland oo diidey 4.5
-
- Posted On 10-02-2016, 04:27AM
GAROWE, Puntland- Waxaa xarunta PDRC ee magaalada Garowe maalintii shaley Feb 9,2016 kulan ku dhexmarey waftigii beesha caalamka iyo bulshada rayidka ah ee Puntland kuwasoo qoraal u gudbiyey ergeyga Qaramada Midoobey u qabailsan Somalia.
Kulankaan oo saxaafada dibada ka joogtey ayaa wararka sheegayaan in waftiga beesha caalamka ee uu hogaamniyo ergeyga Qaramada Midoobey u qaabislan arrimaha Somalia halkaas ku dhageysteen aragtida buslhada rayidka ah ee ku aadan qaabka doorasho ee Somalia.
Warsidaha Garowe Online ayaa ogaadey in wadahadal socdey muddo laba saacadood bulshada rayidka ee Puntland ay qoraal u gudbisay waftiga beesha caalamka kaasoo xusayey diidmo ah in nidaamka 4.5 aan lagu soo xuli karin Barlamanka Federaalka islamarkaana ay aaminsan yiihiin in doorasho sax ah lagu gaari karo iyadoo degmooyin lagu saleeyo xulashada aqalka hoose ee xildhibanaada Somalia.
Dhinaca kale qoraalkaan ayaa lagaga codasadey in beesha caalamka dhexdhexaad ka noqoto arrimaha Somalia islamarkaana tageerin go'aamada dhinaca kaliya ah kuwasoo ka imaanaya madaxda dowlada Federaalka.
Waftiga beesha caalamka ayaa la filayaa in labada maalmood ee soo socda kulamo la yeeshaan siyaasiyiinta, isimada iyo golayaashada dowlada ee Puntland kuwasoo dhagseysanaya fikirkooda ku aadan qaabka doorasho ee Somalia.
Beesha caalamka ayaa tageertey qaabka doorasho ee 4.5 kaasoo madaxweyne Xasan Shiikh sheegey inuu yahay midka kaliya oo lagu sameyn karo xulshada aqalka hoose ee Barlamanka Somalia sanadkaan dabayaaqadiisa.
GAROWEONLINE kala soco wararka la xiriira kulanka beesha caalamka iyo qaybaha kala duwan ee buslahada Puntland.
