Camey oo tacsi u direy ehelada dadkii ku dhintey Xaramka [Dhagayso]

12 September, 2015(GO)-Madaxweyne ku-xigeenka Puntland Cabdixakiim Cabdullaahi Xaaji Cumar Camey ayaa tacsi u direy dadkii waxyeelladu ka soo gaartey shilkii ka dhacay masaajidka Xaramka Maka ee dalka Sacuudiga.

Camey waxaa uu sheegay inuu tacsi u dirayo dhammaan eheladii ay ka geeriyoodeen dadkii ku dhintay shilkii shalay ka dhacay maasdijka Xaramka, ka dib markii uu soo dumey mid ka mida wishash lagu dhisayay maasaajidka, waxuuna u rajeeyay marxuumiinta in ALLE Xajkooda uga dhigo maqbuuulo.

Madaxweyne ku xigeenka Puntland ayaa hadalkan ka sheegay mar uu maanta ka qayb galay xaflad lagu caleemo saarayay maamulka degmada Garowe oo Caasumadda Puntland ka dhacday.

Ugu yaraan 107 qof ayaa ka dib markii shalay galab uu soo dumay wiish lagu dhisay xaramka xilli kumaanaan muslimiin ah ku jireen masaajidka gudihiisa ee magalada Maka dalka Sacuudiga.

GAROWEONLINE