Ciidanka PMPF oo gurmad naadir ah ka sameeyay magaalada Boosaaso

Image
Hay’adda Bisha Cas ee Dowladda Imaaraadka ayaa kaalin ka qaadatay qeybinta gargaarkan.

BOOSAASO, Puntland - Ciidamada PMPF, gaar ahaan Waaxda Arrimaha Bulshada ee Ciidamada iyo Hay’adda Bisha Cas ee Dowladda Imaaraadka ayaa Daladda Naafada gobolka Bari, gaar ahaan magaalada Boosaaso ku wareejiyey Qalabka ay ku socdan walaalaheenna lixaad ka la’ (Wheelchairs) iyo biraha lagu tukubo, kuwaas oo ay intifaacsan karaan 110 qof.

Munaasibadda Warejinta oo ay kasoo qayb galeen qaar ka mid ah Xildhibaanada Golaha Deegaanka Boosaaso, Waaxda Arrimaha Bulshada Dowladda/Hoose iyo qayb ka mid ah dadka naafada ah.

Dadka baahiyaha gaarka ah qaba ayaa si weyn u bogaadiyey doorka ciidamada PMPF ee ka qayb-qaadashada arrimaha Bulshada horumarintooda iyo garab istaagga wakhtikasta.

Qoraal kasoo baxay taliska PMPF ayaa lagu yiri: "Waaxda Arrimaha Bulshada oo fulinaysa siyaasadda horumarinta isdhexgalka Bulshada iyo ciidamada, waxa ay markasta u diranyihiin ka qayb-qaadashada horumarka bulshada, Kobcinta wadashaqayntooda iyo garab istaagga wakhtiyada adag ee mudan in loo hagarbaxo".

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM