Cumar C/rashiid oo baaq u diray Dowladda federaalka Soomaaliya

Ra’iisul Wasaarihii hore ee Soomaaliya aaaa Puntland ku bogaadiyay la dagaalanka argagxisada.

GAROWE, Puntland - Ra’iisul Wasaarihii hore ee Soomaaliya Cumar C/rashiid Cali Sharma’arke ayaa ku booriyay Dowladda Federaalka Soomaaliya inay kordhiyaan taageerada dhinacyada siyaasadda iyo amniga ee ay siinayaan dhammaan dowladaha xubnaha ka ah dowladda Federaalka Soomaaliya, si loola dagaalamo argagixisada.

Sharma’arke oo ka hadlayay X 2dii Janaayo ayaa yiri: “Waxaan rabaa inaan ku bogaadiyo ciidamada Puntland go’aanka ay ku cirib tirayaan dagaalyahannada Ajaanibta ah iyo kuwa deegaanka ee isku dayaya inay saldhigyo rasmi ah ka sameystaan ​​gobolkaas".

Wuxuu raaciyay: "DFS waxaa looga baahan yahay inay taageero siyaasadeed iyo mid amniba u muujiso dhammaan dowladaha xubnaha ka ah dowladda Federaalka si loo cirib tiro khatarta Al Shabaab iyo Daacish ka hor inta uusan dhammaan 2025-ka”.

Baaqa midnimada ayaa imaanaya kadib markii ciidamada amaanka Puntland ay ku guulaysteen inay fashiliyaan isku day weerar oo kooxda Daacish ay ku dishay 12 dagaalyahan oo ajaaniib ah.

Inkastoo howlgalkaasi guulo laga gaaray, haddana dowladda Federaalka ayaan weli wax war ah kasoo saarin dadaalka Puntland, aamusnaanta oo banaanka soo dhigtay xiisado siyaasadeed oo daba dheeraaday.

Dhawr ka mid ah dhaawacyada ayaa lagu soo waramayaa in Jimcihii loo duuliyay dalka Itoobiya si loogu daweeyo, ka dib markii ay si rasmi ah u codsadeen in la caawiyo dowladda Itoobiya.

Khilaafka u dhaxeeya dowladda federaalka iyo Puntland ayaa salka ku haya khilaaf dastuuri ah oo soo jiitamayay, waxaana uga sii daray wax ka bedel lagu sameeyay bishii December 2022 oo Puntland ay u aragtay mid lagu wiiqayo madax banaanideeda.

GAROWE ONLINE