Cutubyo ka tirsan Daraawiishta PL oo gaarey Dhahar

Image

Sept 30, 2014 (GO)- Cutubyo ka tirsan ciidamada Daraawiishta Puntland ayaa lagu soo warramayaa inay gaareen deegaano hoos taga degmada Dhahar ee xarunta gobolka Haylaan.

Wasiir ku-xigeenka Wasaarada Cadaaladda Puntland Maxamed Faarax Canjeex ayaa isagoo degmada Dhahar ku sugan warkan u xaqiijiyey warbaahinta maxalliga ah ee Puntland.

Wasiirku faah faahin kama bixin ujeedada ay ciidanku halkaas u tageen, wuxuuse xusay inay kormeerayaan xaaladda deegaanka muddo kooban kadibna dib ugu noqon doonaan deegaanadii ay horay uga soo ruuqaansadeen.

Warar madax banaan oo GO soo gaarey ayaa sheegaya in sababta Daraawiishta Punltand halkaas u tageen tahay kaddib markii laga war helay dhaq dhaqaaq ciidan oo Somaliland gobolka ka wado.

Dhanka kale, waxaa weli degmada Dhahar ku sugan wafdi ka socda Dowladda Puntland oo isugu jira wasiiro iyo xildhibaano ka tirsan baarlammaanka. Wafdigaas ayaa Dhahar u tegey si ay qayb uga noqdaan dhismaha golaha deegaanka ee Dhahar.

Muddo hadda shan maalmood laga joogo waxaa degmada Dhahar ka dhacay iska hor imaad muddo kooban socdey oo dhex maray ciidamada Puntland iyo kooxo taageersan maamulka Somaliland.

Dagaalka oo hal qof  ku dhintay labo kalena ku dhaawacmeen, wuxuu bilowday kadib markii kooxo isla dadka deegaanka ka tirsan haseyeeshe taabacsan Somaliland isku dayeen inay fashiliyaan dhismaha golaha deegaanka Dhahar oo todobaadkii hore lasoo gaba gabeeyey.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM