Daladda PUNSAA oo ka hortimi shirkii Heritage
-
- Posted On 20-09-2014, 12:59PM
SABTI, September 20,2014- (GO)- Gudoomiyaha Daladda Ururada aan Dowliga Ahayn ee PUNSAA Nuur Shire Cismaan oo waraysi gaar ah siiyay Radio Garowe ayaa sheegay inuusan waxba kala socon shirkii Khamiistii lasoo dhaafay Machadka Heritage ku qabtay magaalada Garowe.
Shire ayaa sheegay barnaamijkaasi aanu ahayn mid macne badan u xambaarsan shacabka Puntland.
''aniga maba aaminsani barnaamijkay ka hadlayeen inuu yahay barnaamij wax tar u ah umadda Soomaaliyeed, sababtoo ah dadku maanta Federaaliisimka inay iswaydiiyaan caqliga wanaagsan muujin mayo''.
Gudoomiyaha PUNSAA ayaa iska fogeeyay inay ku lug leeyihiin qabsoomida shirka Heritage oo looga hadlayay nidaamka federaalka ee Soomaaliya lagu dhaqi karaa nooca uu yahay.
Madaxwaynaha Puntland Cabdiwali Cali Gaas ayaa u fasaxay machadka Heritage inuu magalada Garowe ku qabsado shirkan oo laga qayb galiyay dad gaar ah.
GAROWEONLINE
