Deni oo isbedel ku sameeyay talisyada booliska Mudug, Karkaar iyo Nugaal
-
WARIYAHA GAROWE GAROWE ONLINE
- Posted On 04-04-2020, 02:28PM
GAROWE, Puntland - Madaxweyne Saciid Cabdullaahi Deni oo laba wareegto soo saarey ayaa isbedel ku sameeyay talisyada booliska gobolada Nugaal, Karkaar iyo Mudug oo dhamaantooda hoostaga Puntland.
Hoos ka akhriso digreetooyinka
Madaxweynaha Puntland Oo isku bedelay Taliyeyaasha Qaybaha Booliska ee Gobolada Nugaal, Karkaar iyo Mudug.
Garoowe: 04 April 2020: Madaxweynaha Dowladda Puntland Mudane Siciid a Abdullaahi Deni ayaa soo saara, Xeer Madaxweyne Lr. 25 April 4, 2020, kuna saabsan isku bedel Taliyeyaasha Qaybaha Booliska Gobolada Nugaal iyo Mudug.
Madaxweynaha Dowladda Puntland
Markuu arkay: Dastuurka Dowladda Puntland Qodobkiisa 80-aad.
Markuu arkay: Baahida loo qabo Dar-dar gelinta Amniga Qayabaha Booliska ee Gobolada Puntland.
Markuu arkay: Aqoontooda, kartidooda iyo waayo-aragnimadooda Ciidanimo.
Wuxuu xeeriyey:
1. Waxaa G/sare Muumin Cabdi Shire loo bedelay Taliyaha Qaybta Booliska Gobolka Mudug.
2. Waxaa G/sare Cabdiqaadir Jamac Dirir loo bedelay Taliyaha Qaybta Booliska Gobolka Nugaal.
Dhanka kale, waxaa madaxweynuhu Gaashaanle Sarre Cabdi Casayr Yusuf u magacaabay Taliyaha Qaybta Booliska Gobolka Karkaar, sidda lagu sheegay digreetada labaad ee isla maanta kasoo baxday xafiiskiisa.
GAROWE ONLINE
