Deni oo u kuurgalay saameynta Isbedelka Cimilada ee Godobjiiraan

Image
Dowladda Puntland ayaa muhiimad gaar ah siinaysa sidii xal waara loogu raadin lahaa Bacaadka guuraya.

GAROWE, Puntland - Madaxweynaha Dowladda Puntland Siciid Cabdullaahi Deni, oo booqasho ku jooga degmada Godobjiiraan ayaa saaka u kuurgalay saameynta Isbedelka Cimiladu ku yeelatay Degmada, wuxuuna booqday Bacaadka Guura ee ku habsaday deegaano ka tirsan Degmada Godobjiiraan iyo Beeraha Degmada oo mar ka mid ahaan jiray beeraha ugu wanaagsan ee ay kasoo go’i jirtay Digirta (Cambuulada) oo hada abaar ah.

Madaxweynaha ayaa warbixin ka dhegeystay Wasiirka Deegaanka iyo Isbedelka Cimilada iyo Wasiirka Beeraha iyo Waraabka oo labaduba ka mid ah safarka Madaxweynaha, wuxuuna soo jeediyay in la dardargeliyo qorshaha Dowladda ee wax ka qabashada saameynta Isbedelka cimilada iyadoo lala kaashanayo Hay’adaha caalamiga ah ee ku shaqo leh maadaama arrintani tahay mid heer caalami ah oo Adduunka dhan la tacaalayo.

Dowladda Puntland ayaa muhiimad gaar ah siinaysa sidii xal waara loogu raadin lahaa Bacaadka guuraya ee ku habsaday deegaano ka tirsan Degmada Godobjiiraan iyo sidii loo horumarin lahaa beeraha oo Degmadu caan ku aheyd xagga wax-soo-saarka Beeraha.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM