Dhalinyaro Kufsi ka geystay Gaalkacyo oo dil lagu xukumay
-
Wariyaha Muqdisho GAROWE ONLINE
- Posted On 02-03-2019, 03:05PM
GAROWE, Puntland - Maxkamadda Darajada kowaad ee gobolka Nugaal, ayaa maanta xukun dil ah ku riday shan dhalinyaro ah oo lagu helay inay kufsi wadareed la geystey magaaladda Gaalkacyo, 22-kii Febuary.
Ragga la xukumay ayaa lagu kala magacaabaa; C/risaaq Axmed Cilmi, C/risaaq Cali Cabdi, Yuusuf C/llaahi Xirsi, Ugaas Mire Barre iyo Cismaan Maxamed Cabdullaahi, kuwaasoo dhamaantood ku dhashay magaaladda Gaalkacyo.
Xabsiga Dhexe ee Garowe ayay dhalinyaradan hadda ku xiran yihiin. Kiiskan lama xiriiro Kufsigii Caa'isha Ilyaas, kaasi oo baaritaankiisa wali socda.
GAROWE ONLINE
