​Dhedo oo khasaaraha howlgalka Qandala Radio Garowe uga waramay

Image

GAROWE, Puntland- Guddoomiyaha gobolka Bari ee Puntland, Yuusuf Maxamed Wacays Dhedo, ayaa sheegay inay si buuxda gacabta ugu dhigeen degmada Qandala ee gobolkaasi abaare 02:14pm xilliga Geeska Africa.

Waraysii uu siiyay Idaacadda Radio Garowe, wuxuu mas'uulkaasi kaga waramay khasaaraha ka dhashay dagaalka oo sheegay inuu ka dhacay ilaa 7 goobood, isagoo xusay inay ku dileen 30 Daacish kamid ah, halka dhaawacu gaarayo 35 kale.

Dhinaca ciidamada dowladda, ayuu xusay in 4 askari oo qura ku dhaawacmeen kuwaasoo qaba dhaawacyo fudud.

Mudane Dhedo, ayaa intaas ku daray in kooxdan haraadigeedu u firxadeen goobo uusan sheegin, balse uu tilmaamay inay ku baxayaan si looga sifeeyo gobolka.

Wuxuu intaas ku daray inaysan jirin qof dhaqaaqi kara oo ku sugan tuulooyinka hoos yimaada degmada Qandala, isagoo sheegay in dadkii ay ka barakiciyeen mallayshiyadan.

Wuxuu sidoo kale caddeeyay in Daacishta Qandala qabsatay wateen saddex baabuur oo qura kuwaasina gacabta ugu jiraan ciidamada dowladda Puntland.

Howlgalkan oo noqonaya kii ugu horeeyay ee ka dhan ah mallayshiyaad sheegta Daacish, ayaa kusoo beegmaya xilli mas'uuliyiinta ugu saraysa dowladda ay ka maqanyihiin deegaanada Puntland iyadoo sidoo kale jiraan abaaro laxaad leh oo saamayn ba'an u gaystay dadkii iyo duunyada.

GAROWEONLINE

Related Articles

Deni: Xisbiga Xasan Sheekh wuxuu khatar Ku yahay Nidaamka Federaalka iyo Jiritaanka Jubaland

Xasan Sheekh ayaa lagu eedeeyay inuu wado qorshe doorasho uu maamulkeeda kaligiis leeyahay, natiijadeedana uu sii ogyahay.

  • Puntland

    14-05-2025

  • 12:11PM

Deni oo Xasan Sheekh ugu baaqey inuu Dhowro Ballanqaadkiisa hore

Baaqan wadahadal wuxuu yimid xilli ay sii kordhayaan xiisadaha siyaasadeed ee ka dhashay isbahaysiga Puntland, Jubbaland.

  • Puntland

    27-04-2025

  • 09:05AM