Dr.Gaas ''Al-Shabab waan ka saarnay buuraha Galgala''-Daawo Video

Image

Arbaco 1 October,2014 [GO]- Madaxwayne Gaas oo saxafadda kula hadlay aqalka madaxtooyadda ayaa xaqiijiyay ciidanka difaaca Puntland inay la wareegaan saldhigii ugu waynaa ururka Al-Shabab ee buuraha Galgala.

Waxa uu sheegay mudo sodan maalmood ah Puntland cafis ugu fidinayso dhalinyaradda la fikir qalday kuwaasoo ku jira kooxda Al-Shabab ayna ka go'an tahay sidii gacanta loogu dhigi lahaa firxadka kooxdaasi.

Wararka uu helayo warsidaha Garowe Online ayaa sheegaya dagaalka dhexmaray ciidanka dowladda iyo kuwo Al-Shabab ay sababeen khasaaro isagu jira dhimasho iyo dhaawac walow aan ilaa iyo hadda la hayn war rasmi ah. Halkan ka akhriso khasaaraha

''Waxaan cafis ku eg sodan maalmood u fidinayaa dhalinyaradda la  marin habaabiyay ee sida qaldan loo faham siiyay diinta islaamka, waxaan rajaynayaa inay ka faa'iidaystaan fursadaan bad baadinayaana nolashooda iyo aayahooda''. 

Kooxda Al-Shabab ayaa dilal kala duwan ka gaystay gudaha Puntland tan iyo 2010 iyadoona dilkii ugu danbeeyay uu ahaa Taliyihii qaybta Booliska Gobalka Bari.

Hadalka madaxwayne Gas ayaa imaanaya xili uu ka socdo koonfurta iyo bartamaha Somalia howlgalka Badweynta Hindiya oo Al-Shabab ka sifeeyay magaalooyin muhiim ah.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM