Farole oo tacsi ka diray geerida Cadde Muuse
-
- Posted On 08-02-2017, 09:37PM
MUQDISHU, Somalia- Madaxweynihii hore Puntland ahna Xildhibaan katirsan Aqalka Sare Barlamanka Somalia, Cabdiraxmaan Farole ayaa tacsi u diray General Cadde Muuse Xirsi oo ku geeriyooday dalka Isu tagga Imaaraadka Carabta.
Cadde ayaa ahaa Madaxweynihii ka horeeyay Farole oo jagadaas ku wareejiyay 2009.
Cabdiraxmaan Farole ayaa sheegay in geeridaas tahay mid ay aad looga naxo, wuxuuna tiiraanyadeeda la wadaagay qoyskiisa, carruurtii iyo umadda Somaliyeed ee uu ka baxay.
"Galabta xilli aan ku jirnay hoolka doorashada, waxaa nasoo gaaray inuu dalka Imaaraadka ku geeriyooday General Cadde Muuse, runtii waa geeri aad looga naxo, waxaana tacsi la wadaagayaa Xaaskiisa, carruurtii, qaraabadiisa, dadkii ka agdhawaa iyo umadda reer Puntland, waxaana leeyahay alle geeridaas ha ugu badalo janno iyo naxariis,"Ayuu yir Farole xilli muuqaal kooban soo dhigay Boggiisa Facebook.
Farole, ayaa intaas ku daray inuu aaskiisa ka qayb gali doono hadii waddanka la keeno oo ay ka gaaraan.
GAROWEONLINE
