Issimada Nugaal oo kulan la qaadanaya madaxweynaha Jubaland

July 12, 2015 (GO)- Kulan albaabadu u xiran yahay ayaa madaxtooyada Garowe uga socda Madaxweynaha Jubaland Axmad Madoobe iyo Issimada gobolka Nugaal, Islaan Ciise Islaan iyo Suldaan Garaase. 

Wararka Garowe Online helayo ayaa sheegaya in kulankaan khuseeyo xalinta khilaafka u dhexeeya Madaxweynaha Dowladda Puntland iyo saraakiisha ciidamada kuwasoo gadood ugu sugan tuulada Qarxis. 

Madaxweynaha Jubaland ayaa u muuqda inuu qayb ka yahay xalinta khilaafkaas la filayo in maalmaha soo socda lasoo afjaro.

Dhinaca kale waxaa maalinta berri ah la sugayaa in magaalada Garowe uu soo gaaro Ra'isal wasaaraha Dowladda Federaalka Soomaaliya Cumar Cabdirashid Cali Sharmaarke. 

Kulanka dhexmaraya madaxda maamulada Jubaland, Puntland iyo Federaalka ayaa diirada saari doona khilaafka Dowlada Federaalka iyo maamuladaas u dhexeeya. 

Kala soco Garowe Online wararka kasoo kordha kulamadaan.

GAROWE ONLINE