Madaxwayne Saciid Cabdullaahi Deni oo magacaabay lataliyeyaal

Labadan mas'uul ayaa kala qaabilsan Arrimaha Dib u Heshiisiinta iyo Xiriirka Dadweynaha.

GAROWE, Puntland - Madaxweynaha Dowladda Puntland Siciid Cabdullaahi Deni, ayaa soo saaray Xeer Madaxweyne ku magacaabay labo kamid ah La-taliyayaashii gaarka ah, sidda ay sheegtay Madaxtooyadda.

Cabdi Cabdullaahi Xaashi (Goley) ayaa, sidda ku cad wareegtadda, waxaa loo magacaabay Lataliyaha Madaxweynaha ee Arrimaha Siyaasadda iyo Dib u Heshiisiinta.

Sida laga soo xigtey digreetadda oo lagu faafiyay baraha bulshadda, Axmed Cabdi Maxamuud (Hurre) ayaa loo magacaabay La-taliyaha Arrimaha Siyaasadda iyo Xiriirka Dadweynaha.

HOOS KA AKHRISO WAREEGTADDA

Garoowe: 24 March 2024 : Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 004 ee 24-ka Maarso 2024, kuna saabsan magacaabid La-taliyayaal.

Madaxweynaha Dowladda Puntland

Markuu arkay:  Dastuurka Dowladda Puntland Qodobkiisa 80-aad 

Markuu arkay: Aqoontooda, Kartidooda iyo Waayo-aragnimadooda shaqo.

Markuu tixgeliyey: Baahida loo qabo magacaabida La-taliyayaasha Madaxweynaha Dowladda Puntland.

Wuxuu xeeriyey: 

1. Waxaa Cabdi Cabdullaahi Xaashi (Goley) loo magacaabay Lataliyaha Madaxweynaha ee Arrimaha Siyaasadda iyo Dib u Heshiisiinta.

2. Waxaa Axmed Cabdi Maxamuud (Hurre) loo magacaabay La-taliyaha Arrimaha Siyaasadda iyo Xiriirka Dadweynaha.

Xeerkani wuxuu dhaqan gelayaa markuu Madaxweynuhu saxiixo, Wuuna saxiixay.

GAROWE ONLINE