Madaxwayne Saciid Deni oo ku wajahan magaalada Boosaaso

Illo ku dhow Madaxtooyadda Puntland ayaa GO u xaqiijiyay in socdaalkan uu salka ku hayo la dagaalanka argagixisada.

BOOSAASO, Puntland - Madaxweynaha dowladda Puntland Siciid Cabdullaahi Deni ayaa ku wajahan magaalada Boosaaso ee xarunta gobolka Bari, oo ay horay ugu sugnaayeen guddoomiye ku-xigeenka 1aad ee barlamaanka iyo xubno katirsan golayaasha kala duwan ee dowladda.

Saraakiil Madaxtooyada Puntland katirsan ayaa Garowe Online u xaqiijiyey in Madaxweynuhu Boosaaso ka hagi doono duulaan ka dhan ah kooxaha nabad diidka ah ee ku dhuumaalaysanaya buuraleeyda Cal-madaw iyo Cal-miskaad ee gobolada Bari iyo Sanaag.

Madaxweyne Deni ayaa dhowaan sheegay in Puntland ay soo afmeeri doonto kooxahaasi oo uu sheegay inay kujiraan ajaaniib ku soo duuley waxyeelada ammaanka Puntland iyo suurad xumaynta horumarka Puntland.

GAROWE ONLINE