Madaxweynaha Puntland oo ku wajahan dalka Ethiopia
-
- Posted On 15-04-2015, 06:41PM
GAROWE, April 15,2015 (GO)- Wararka Garowe online helayo ayaa sheegaya in Madaxweynaha Dowladda Puntland Cabdiweli Cali Gaas ku wajahan yahay maalinta berri ah wadanka Ethiopia halkaas oo la sheegey inuu kaga qayb galayo shir sanadle ah.
Madaxweynaha ayaa wararku xusayaan in uu kaga qayb galayo magaalada Bahir Dar kulan loogu magac dare Tana Forum kaasoo sanad walba la qabto.
Kulankaan oo ka soconaya magaalada Bahir Dar 18-19 April 2015 ayaa waxaa lagu martiqadaa qaar ka tirsan madaxda Africa iyo shaqsiyaadka caanka ka ah qaarada kuwaasoo hadalo ka jeedayo.
Tana High-Level Forum on Security in Africa ayaa lagu soo qaataa sanad walba qodob la xiriira arrimaha amaanka Africa.
Madaxweyne Gaas oo ku maqanaan doona wadanka Ethiopia ilaa 20 April,2015 ayaa sanadkii hore ka qayb galey kulankaan iyadoo dowlada Federaalka aysan u soo dirin aalaaba kulankaan wafdi matala sababo aan la shaacin.
Halkan ka akhri kulanka Bahir Dar iyo Barnaamijka lagaga hadlayo
GAROWEONLINE
