Madaxweynaha Puntland oo la kulmay madaxa hay'adda Care Somalia
-
- Posted On 25-11-2015, 11:15AM
25 November, 2015(GO)-Madaxweynaha Dawladda Puntland Cabdiweli Maxamed Cali Gaas ayaa maanta xafiiskiisa madaxtooyada Puntland ee Garoowe ku qaabilay madaxa Hay’adda Care International ee Somalia Raheel Nasir Chaudhary.
Kulankaas oo looga wada hadlayey dar-dar gelinta Mashaariicda hay’adda Care kafuliso Puntland iyo sii xoojinta xidhiidhka ka dhexeeya Puntland iyo Care, korna loogu qaadi lahaa mashaariicda.
Madaxa Hay’adda Care Raheel Nasir ayaa sheegay inay Wasaaradda Deegaanka kala shaqeeyaan ciidamada ilaalinta deegnaanka, la-dagaallanka xaalufinta deegaanka, buuxinta boholaha, qaabaynta harooyinka, iyo Ilaalinta Dhirta iyo Duurjoogta.
Madaxweynaha Dawladda Puntland Cabdiweli Maxamed Cali Gaas ayaa hay’adda Care ka codsaday inay qor u qaadaan dar-dargalinta mashaariicda ku saabsan deegaanka iyo masiibooyink dabiiciga ah kuwaasi oo mararka qaybtooda saameey Puntland.
GAROWEONLINE
