Madaxweynaha Puntland oo la kulmey Tedros
-
- Posted On 17-02-2016, 08:24AM
ADDIS ABABA, Ethiopia- Madaxweynaha Puntland oo booqasho ku tagey dalka Ethiopia maalintii shaley Feb 16,2016 ayaa kulamo la qaatey qaar ka tirsan madaxda dalkaas.
Wasiirka Arimaha dibada Dalka Ethiopia Tedros Adhanom Ghebreyesos oo bartiisa Facebook soo dhigey qoraal ayaa sheegey inuu la kulmey madaxweynaha Puntland Cabdiweli Maxmad Cali Gaas.
Tedros ayaa qoraalkaan ku xusey in madaxweynaha Puntland uu kala haday qaabka doorashada Somalia ka dhaceysa August 2016 isagoo xusey in wadankiisa uu daneynayo In xasolooni uu helo wadankan dagaalka ku jirey mudada dheer.
Dowlada Puntland iyo shacabkeeda ayaa horey u diidey in nudaamka 4.5 lagu dhiso Barlamanka Somalia.
Kulamo magaalo madaxda Puntland ee Garowe ku dhexmarey madaxda beesha caalamka iyo qaybaha kala duwan ee shacabka ayaa lagu muujiyey diidmada nidaamkaan doorasho ee 4.5.
Dhinaca kale waxaa socda dadaal beesha caalamka ku dooneyso kulan bishaan dabayqadiisa dhinacyada Somalida loogu qabanayo dalka Turkiga.
Dowlada Ethiopia ayaa la rumeysan yahay iney kamid tahay wadamada raadinaya in dabada ka riixeysa in madaxda Somalida la isugu geeyo Dalka Turkiga halkasoo lagu saxiixi doono in doraashada Somalia lagu galo qaabka 4.5.
GAROWEONLINE
