Madaxweynaha Puntland oo Nairobi Safiiro kula kulmay
-
- Posted On 08-10-2015, 09:53AM
08 Octobar, 2015(GO)-Madaxweynaha Puntland Cabdiwali Maxamed Cali Gaas ayaa magalada Nairobi shir kula yeeshay safiiro uu ka mid yahay kan Midowga Yurub ee Somalia Michele Cervone d’Urso.
Gaas iyo safiirada ayaa ka wada hadlay arrimo la xiriira xoojinta xiriirka Puntland iyo beesha caalamka, waxaana madaxweynuhu ka mahadceliyay taageerada Midowga Yurub ka gaysteen shirkii dhawaan ka dhacay magalada Galkacyo ee xarunta Gobolka Mudug.
Safiirka Midowga Yurub ee Somalia Michele Cervone d’Urso ayaa xusay in fulin doonaa mashaariic cusub sida lagu tilmaamay qoraal ka soo baxay Puntland.
Dhinaca kale, Gaas ayaa la kulmay Safiirka Somalia u fadhiya Dawladda Sweden Ambassador Mikael Lindvall, waxayna ka wada hadleen arrimo hormarinta mashaariicda Puntland ku saabsan.
GAROWEONLINE
