Madaxweyne Gaas oo berri ka dagaya magaalo madaxda Puntland

Nov 4,2015 (GO)- Madaxweynaha Puntland oo maalmihii la soo dhaafey ku suganaa wadanka Imaraadka Carabta ayaa maalinta berri ah ka dago magaalo madaxda Puntland ee Garowe.

Waftiga madaxweynaha ayaa la filayaa in berri kasoo ambabaxi doono magaalo madaxda wadanka isu-taga Imaraadka Carabta ee Abu Dhabi halkaas oo uu kulamo kula yeeshey saraakiil ka tirsan wadankaas.

Imaanshaha madaxweynaha Puntland ee magaalada Garowe ayaa la rumeysan yahay iney dabada ka riixeyso doorashada gudoomiyaha Barlamanka oo la filayo iney dhacdo maalinta Sabtida dhacdo.

Madaxweynaha Gaas oo labadii bilood ee ugu dambeysay fadhigiisu ahaa magaalada Galkacayo xarunta gobolka Mudug ayaa muddo 12 asbuuc ah fariisin golihiisa xukuumada halka xildhibaanada Barlamanka xil ka qaadis ku sameeyeen gudoomiyaha Barlamanka.

GAROWEONLINE