Musharaxiinta degmada Garowe oo laga sugayo barnaamijkooda

Image

August 14, 2015 (GO)- Xilli uu gaba gabo ku dhow yahay dhismaha golaha deegaanka cusub ee degmada Garowe, ayaa waxaa maalinba maalinta ka dambeysa soo shaac baxaya xubno u sharraxan xilka guddoomiyaha.

Ilaa iyo hadda lix murashax oo dhallinyaro u badan islamarkaana gabari ku jirto ayaa sheegay inay xilkaas u tartamayaan.

Waxaa xusid mudan, in badi murashaxiintu bulshada usoo bandhigin qorshahooda wax-qabad;  arrintaas oo badi daku walaac ka muujiyeen.

Qaybaha kala duwan ee bulshada Garowe ayaa si weyn isha ugu haya dhismaha golaha deegaanka , iyagoo aad u daneynaya inay ogaadaan qorshaha murashax walba, maadaama Garowe tahay magaalo madaxda Puntland una baahan tahay qorshe maamul iyo mid horumarineed oo fog.

Wasiirka Arrimaha Gudaha Puntland Axmed Cilmi Karaash oo labo maalmood kahor xafiiskiisa shir-jaraa'id ku qabtay, wuxuu sheegay in lasoo dhameystiray dhammaan 27da xubnood ee golaha, haseyeeshee lagu howlan yahay kala xulistooda isagoo xusay in xubnaha buuxin waaya shuruudaha  dib loo celin doono.

Doorashada maamulka cusub ee Garowe ayaa kusoo aadeysa xilli Madaxweynaha Puntland Cabdiweli Maxamed Cali Gaas, safar shaqo ku joogo magaalada Galkacayo ee xarunta gobolka Mudug.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM