Musharaxiinta gudoomiyaha Barlamanka Puntland oo loo codaynayo [Dhagayso]
-
- Posted On 09-11-2015, 08:12AM
09 November, 2015(GO)-Waxaa hoolka Barlamanka Puntland ka socota codaynta musharaxiinta doonaya jagada Afhayeenka Barlamanka Puntland, waxaana xilkaasi u taagan saddex musharax oo kala ah; Axmed Cali Xaashi, Doobo-daareed iyo Xildhibaan Surcad.
64 Xildhibaan ayaa saaka soo xaadiray codaynta doorashada, waxaa ka qayb galay xubno matalaya bulshada rayidka ah, madax dhaqameed iyo culimaa'udiin
Codaynta ayaa u dhacaysa qaab qarsoodi ah sida ay sheegeen guddiga loo xilsaaray doorashada gudoomiyaha Barlamanka Puntland.
Musharaxiinta ayaa hoolka ka soo jeediyay, taariikh nololeedkooda iyo asbaabaha ku kallifay, inay u booskan isu soo taagaan.
Wararka aan ka helayno hoolka Barlamanka ayaa la sheegayaa codaynta wareega koowaad waxaa ku horeeya xildhibaan Axmed Cali Xaashi oo horey u soo noqday gudoomiyaha Barlamanka, waloow aan la tirin codadkii la dhiibtay.
GaroweOnline ayaa idiin soo gudbin doonta hadba sida wax u socdaan iyo cidda ku guulaysata hogaaminta Barlamanka Puntland.
GAROWEONLINE
