Muxuu ka yiri Gudoomiyaha Gobolka Nugaal amaanka caasimada Garowe?
-
- Posted On 10-01-2015, 10:50AM
GAROWE Jan 10,2015 [GO]- Gudoomiyaha Gobalka Nugaal Cabdiqani Xaaji Cali (Bumbe) ayaa sheegay maanta wixii ka danbeeya inay tilaabo sharci ah ka qaadi doonaan cidii lagu arko iyadoo faraha kula jirta dhulka sida sharci daradda ah loo calaamaysanayo ee Gobalka Nugaal.
Buumbe ayaa isagoo la hadlayey warbaahinta Radio Garowe waxaa uu sheegay in laga wada shaqeeyo bilicda magaalo madaxda Puntland iyo guud ahaan iyo Degmooyinka hoos yimaada.
Magaalo madaxda Puntland ee Garowe ayaa wayadii dambe waxaa aad ugu soo badanayey ciidamo ku labisan dharka caadiga ah Maliteriga oo qoryo iskala dhexwareegaya kuwaasoo mararka qaarkood ku lug yeesha boobka dhulalka sida gaarka loo leeyahay iyo kuwa danta guud.
Gudoomiyaha oo wax laga waydiiyey sababta keentey ayaa beeniyey iney jiraan ciidamadaas kuwaasoo mararka qaarkood rasaas ka rida goobaha shacabka isugu yimaado.
Jimcihii lasoo dhaafey ayey aheyd markii Askari ka tirsan ciidamada ilaalada gaarka ah ee taliyaha qaybta gobolka Nugaal uu diley Askari ka tirsan Booliska gobolka Nugaal oo sita qori AK47 xilli uusan qabin dareyska ciidamada.
Askarigii gaystey fal-dambiyeedkaas ayaa gacanta waxa ku dhigey ciidamada Booliska isaga iminka ku xiran saldhiga dhexe ee magaalo madaxda Puntland ee Garowe.
GAROWEONLINE
