Puntland oo been abuur ku tilmaantay war kasoo yeeray Somaliland

Image

GAROWE, Puntland – Dawladda Puntland ayaa waxay war aan sal iyo raad lahayn ku tilmaantay sheegasho ka timid wasiirka warfaafinta Somaliland.

Saraakiisha Maamulka Hargeysa ayaa Axadii magaaladda Taleex kusoo bandhigay askar  ay ku sheegeen in ay kaga soo biireen dhanka Puntland.

Wasiirka Warfaafinta Puntland, ayaa warkaas ku qeexay mid been abuur ah oo aan waxba ka jirin.

Ciidamada lasoo bandhigay ayaa tiradoodu lagu sheegay wadar ahaan 150 askari.

Cali Axmed Sabarey, wasiirka warfaafinta Puntland, ayaa yiri "waxay ahaayeen maleeyshiyaad ay dareeska ciidanka u soo geliyeen".

"Iyagaaba ku jira qalalaaso siyaasadeed maxay ciidamo kala wareegaan Puntland," ayuu hadalkiisa ku daray wasiirka oo warfidiyeenka la hadlay.

Puntland iyo Somaliland ayaa waxaa ka dhaxeysa colaad taariikhi ah oo ku aadan gacan ku haynta gobolada Sool, Sanaag iyo Ceyn.

Labadda maamul oo xifaaltankooda tobanaan sano marayo ayaa waxaa goboladaas u kala jooga maamulo ugu kala magacaaban.

Shaacinta Somaliland ayaa timid markii aagaas uu tegay Wasiirka Beeraha, Saleebaan Koore, oo aad ugu dhow Muuse Biixi Cabdi.

Biixi ayaa wajahaya madax xanuun ku aadan doorashooyinka baarlamanka iyo dowladaha hoose, iyadoo khilaaf uu ka taagan yahay muddo kordhinta baarlamaanka iyo Guurtida, taasoo beesha caalamku diidey.

Xisbiyadda mucaaradka ayaa ku goodiyey in ay taageereyaashooda ugu baaqayaan joojinta canshuurta hadaan la qaban doorashada.

GAROWE ONLINE

Related Articles

Ciidamada Puntland oo Guulo Waaweyn Ka Gaaray Howlgalka Ka Dhanka ah ISIS

Sanado badan, buuraleyda Cal-Miskaad ayaa ahayd goobaha ugu muhiimsan ee ay argagixisadu ku dhuumaalaysato.

  • Puntland

    04-09-2025

  • 12:11PM

Puntland oo ku eedeysay Madaxweyne Xasan Sheekh inuu jabiyay Dastuurka Soomaaliya

Ilaa hadda, madaxtooyada Soomaaliya kama aysan jawaabin eedeymaha kasoo yeeray Puntland.

  • Puntland

    01-09-2025

  • 06:58AM