Puntland oo gacanta ku dhigtay drones-ka qarxa iyo dabley wadday

Image
Shixnadan ayaa waxaa lagu qabtay wadada xiriirisa magaalooyinka Gaalkacyo iyo Garoowe.

GAROWE, Puntland - Ciidamada dowladda Puntland ayaa ku guuleystay inay gacanta kusoo dhigaan 7-qof oo looga shakisan yahay inay ka tirsan yihiin kooxaha argagixisadda.

Sidoo kale, ciidamadda ammaanka maamul goboleedkan Soomaaliyeed ayaa waxa ay ku guuleysteen qabashadda shan diyaaradood oo kuwa aan duuliyaha lahayn ah.

Sida ay sheegeen saraakiisha ammaanka, eedeysanayaasha iyo hubka wax gumaada ayaa lagu qabtay wadada xiriirisa magaalooyinka Gaalkacyo iyo Garoowe.

Hawlgalkan ayaa tilmaamaya tallaabo muhiim ah oo lagula dagaallamayo argagixisada iyo xaqiijinta amniga iyo amniga gobolada Mudug iyo Nugaal oo maalmihii dambe xoogeystay.

Faah faahin dheeraad ah oo ku saabsan cidda ay yihiin dableyda la qabtey iyo cidda lala damacsanaa in loo adeegsado diyaaradaha aan duuliyaha lahayn ayaa wali la shaacin.

Balse, tallaabada ayaa saraakiishan waxa ay ku tilmaameen mid muujineysa sidda laamaha ammaanka Puntland uga go'an tahay xaqiijinta amniga iyo la dirirka argagixisada.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM