Ra'iisul Wasaaraha DF oo beri kusoo wajahan Garowe

Image

October 9, 2014 (GO)- Ra'iisul Wasaaraha Dowladda Federaalka Soomaaliya Cabdiweli Sheekh Axmed Maxamed ayaa la filayaa in isaga iyo wafdi uu horkacayaa maalinta berri ah (Jimce) soo gaaraan magaalo madaxda Puntland ee Garowe.

Qaban qaabada soo dhoweynta wafdiga Ra'iisul Wasaaraha waxaa loo saaray guddi heer wasiir ah kuwaasoo Madaxweyne Cabdiweli Maxamed Cali Gaas arrintaas si gaar ah ugu xil saaray.

Muddo dhowr maalmood ah ayaa lagu wadaa in Ra'iisul Wasaare Cabdiweli iyo wafdigiisu Garowe ku sugnaadaan, iyagoo inta ay halkaas joogaan la kulmi doona madaxda Puntland iyo qaybaha kala duwan ee bulshada.

Ujeedada ugu weyn ee socdaalkani waa sidii laysugu soo dhoweyn lahaa labada dhinac [Dowlada Federaalka iyo Puntland] loogana jawaabi lahaa tabashada Puntland gaar ahaan arrinta xiisada weyn abuurtay ee ah dhismaha maamulka la qorshaynayo in loo sameeyo gobolada dhexe gaar ahaan Mudug iyo Galguduud.

Dhanka kale waxaa caawa si weyn loo adkeeyey ammaanka magaalada Garowe waxaana wadooyinka muhiimka ah ee caasimada lagu arkayaa ciidamada booliska oo si weyn u sugaya ammaanka.

Booqashada la filayo in Cabdiweli Sheekh Axmed kusoo gaaro Garowe waa tii ugu horreysey ee uu Puntland ku yimaado laga soo bilaabo markii xafiiska loo dhaariyey bishii December ee sanadkii hore 2013, waxayna kusoo aadeysaa xilli uusan wanaagsanayn xiriirka Puntland iyo Dowladda Federaalka ee fadhigeedu Muqdisho yahay.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM