Saciid Deni oo u qori-qaatay gudoonka baarlamaanka Puntland
-
WARIYAHA MUQDISHO GAROWE ONLINE
- Posted On 17-12-2023, 12:45PM
GAROWE, Puntland - Xaalad cakirnaan ah ayaa waxa ay Axada maanta ah ka dhacdey xarunta Baarlamaanka Puntland kadib markii ay xalay u daateen ciidamadda PMPF oo ka amar-qaata madaxweynaha waqtiga ka dhamaanayo Saciid Cabdullaahi Deni.
Xukuumadda iyo Guddoonka Baarlamanka ayaa madaxa iskula jiray tan iyo markii uu fashilmay damacooda muddo kororsiga loona laabtay doorashada dadban. Guddiga xallinta Khilaafaadka ayaa ku jira arrimaha la isku hayo.
Guddiga ayaanan u joojin faragelinta ka timid Madaxtooyadda Puntland waxaana ay bilaabeen shaqooyinkooda iyaga oo isla maanta soo saarey qoraal ay ku muujinayaan in ay soo saareen jadwalka.
Dhanka kale, Aqalka Wakiilada Puntland oo faafiyey war-saxaafadeed ayaa waxa uu sheegay in uu si adag u cambaareynayo ciidamo Madaxweyne Dani geeyey aqalka wakiilada Puntland.
"Madaxweyne Deni waxaan ugu baaqay in uu ciidamada ka qaado xarunta golaha Wakiilada oo uu ixtiraamo dastuurka iyo shuruucda u degsan Puntland, si aysan u dhicin qalasaase amni darro," ayuu yiri Guddoomiye Cabdirashiid Yuusuf Jibriil.
Tani ayaa waxa ay kusoo hagaagaysaa xilli maalmaha ka dhiman codeynta 8-da Janaayo ay kooban yihiin isla markaana ay jirto cabsi baaxad weyn taasoo laga cabsi qabo in ay isku rogto gacan ka hadal dhexmara madaxwyane Deni iyo Gudoomiye Jibriil.
GAROWE ONLINE
