Somaliland oo xirtey nin gabey ku taageerey weerarkii Paris
-
- Posted On 12-12-2015, 06:13PM
Dec 12, 2015 (GO)- Ciidamada Booliska Somaliland ayaa maanta xabsiga u taxaabey Abwaan Cabdiwaaxid Gamadiid oo kamid ahaa tageerayaasha ururada islaamiga ah kadib markii uu gabey cusub tiriyey.
Ciidmaada Booiska Somaliland ayaa Gamadiid ka qabtey gurigiisa oo ku yaala magaalada Hargeysa kadib markii uu dhowaan tiriyey gabey uu ku tageerayo weerarkii ururka daacaish u gaysteen magaalada Paris ee wadanka Faransiika. HALKAN KA DHAGEYSO
Abwaankaan oo horey u tiriyey gabey uu ku tageerayo weerarkii ururka Al-shabaab ku qaadeen suuqa Westgate ayaa waxaa Feb 2014 laga sii daayey xabsiga dowlada Somaliland isagoo u amabaxey Puntland
Ciidamada sirdoonka Dowlada Puntland ayaa Gamadiid ku xirey markale magaalada Bosaso iyagoo ku haysta gabeygaas uu ku taageerayey werarkii ururka Al-shabaab u gaysteen shacablkii ka dukaameysanyey suuqa Wesgate.
Abwaankaan oo muddo lix bilood ah ku xirnaa Bosaaso [Puntland] ayaa waxaa cafis u fidyey madaxweyne Cabdiweli Maxamad Cali Gaas July 2015 kadib markii odey dhaqameedyo ka yimid Somaliland oo kaashanaya kuwa Puntland kula kulmeen magaalo madaxda Garowe.
Xukuumada Puntland ayaa tan iyo intii talada la wareegtey sanadkii 2014 ayaa xabsiyada kasii daysey maxaabiis farabadan oo xiraa kamid noqnoshada ururka Al-shabaab.
Warsidaha Garowe online ayaa warbixin ka qorey maxabiistaan laga sii daayey xabsiyada Puntland tan iyo intii u dhexeysay sanadkii 2014-2015 HALKAN KA AKHRI WARBIXINTAAN
GAROWEONLINE
