Taliyaha cusub ee Puntland oo digniin u direy askarta qayisha
-
- Posted On 10-08-2015, 01:46PM
10 August, 2015 (GO)- Taliyaha cusub ee ciidan booliiska Puntland Cabdirasaaq Maxamed Yusuuf oo maanta xilka kala wareegay taliyihii hore Maxamed Siciid Jaqanaf ayaa sheegay in meel wanaagsan la keenay howsha ciidanka.
Afgaduud ayaa go'aan ka soo saaray askarigii lagu arko isagoo ku qayilaya goobaha shaqada iyo kantaroolada sharciga la hor keeni doono.
"Waxaan amrayaa taliska booliska, talista qaybta, hogaamada dhamaan in ay mamnuuc tahay askari inuu ku qayilo goobaha shaqada iyo baraha kantaroolada" ayuu yiri Afgaduud isagoo ka hadlaya goobta xil wareejinta.
Munaasabada xil wareejinta waxaa ka qayb galey wasiirka amniga Puntland Cabdi Xirsi iyo saraakiil kale oo ka tirsan ciidamada Booliska Piuntland.
Madaxweynaha Puntland ayaa dhawaan Col. Afgaduud u magacaabay taliyaha ciidanka booliiska Puntland isagoo xilka kala wareegey taliyihii hore Jaqanaf oo mudo afar sano ah shaqadaan hayey.
GAROWEONLINE
