Taliyihii laanta CID-da Puntland oo is-casilay
-
- Posted On 07-10-2014, 02:37PM
Garowe, October 7,2014 [GO]- Taliyihii hogaanka CID-da Puntland G/sare Cabdifataax Maxamed Cumar ayaa sheegay inuu iska casilay, ka dib kulan uu maanta xilka ku wareejiyay taliye cusub oo lasoo magacaabay.
Munaasabadda oo ka dhacday xarunta laantan ayaa waxaa goobjoog ahaa Taliyaha ciidanka booliska Puntland Gen.Maxamed Siciid Jaqanaf iyo saraakiil kale.
Taliyihii hore ee CID-da G/sare Cabdifataax oo xilkan u magacaabay madaxwaynihii hore Cabdiraxman Farole ayaa sheegay sababta uu xilka isaga casilay ay gaar u tahay balse shaqooyin wanaagsan uu qabtay intii uu xafiiska joogay.
Hoggaanka cusub ee xilka kala wareegay ayuu kula dardaarmay inuu meel wanaagsan gaarsiiyo howlaha xarunta iyo shaqooyinka ka socda.
Taliyaha cusub ee CID-da Ibraahim Cali Xasan ayaa sheegay inuu halkaa kasii anbo qaadayo howlaha qabyadda ah ee uu ka tagay Cabdifataax Camay, wuxuna muujiyay inuu masuulkii ka horeeyay waxqabad wanaagsan uu sameeyay.
Warar madax banaan oo soo gaaraya warqabadka Garowe Online ayaa tilmaamaya sababta uu xilka isaga casilay Cabdifataax Camay tahay isagoo shaqo ka heley xafiiska Interpol ku leedahay wadanka Kenya.
GAROWE ONLINE
