Wafdi ka socda Laanqeyrta Cas oo gaarey magaalada Garowe

Madaxweyne Ku-xigeenka dowladda Puntland ayaa ku qaabilay xafiiskiisa maanta oo Talaado ah.

GAROWE, Puntland - Madaxweyne Ku-xigeenka dowladda Puntland Ilyas Osman Lugatoor ayaa Xafiiskiisa ku qaabilay Mr Antoine Grand, Madaxa Ergada Laanqayrta Cas ee Soomaaliya iyo wefti uu hogaaminayo.

Kulanka ayaa looga hadlay Mashaariicda horumarineed iyo kuwa Bini’aadanimo ee Laanqayrta Cas ka wado deegaanada Puntland.

Shirka waxa ka qayb galay Wasiir Dowlaha Madaxtooyada Cabdifataax Cabdinuur iyo Agaasimaha Guud ee Madaxtooyada Maxamed Jaamac.

GAROWE ONLINE