Waqtiga doorashada gudoomiyaha Barlamanka Puntland oo la shaaciyay
-
- Posted On 07-11-2015, 10:19AM
07 November, 2015(GO)-Qoraal ka soo baxay guddiga loo xil saaray doorashada gudoomiyaha Barlamanka Puntland ayaa lagu shaaciyay waqtiga la qaban doono doraashada.
Waxaa guddigu iclaamiyay in 19 bishan, maalin Isniin ah galinka dambe la qaban doono doorshada gudoomiyaha Barlamanka Puntland.
Inta laga warqabo, waxaa u sharaxan jagadan Gudoomiyaha Barlamanka Puntland, saddex xildhibaan oo kala ah; Axmed Cali Xaashi oo horay u soo noqday gudoomiyaha Barlamanka xilli xukuumaddi Cadde Muuse, Xildhibaan Cadixakiim Dhoobo-daareed oo jagadan markii labaad u sharaxan iyo Maxamed Axmed oo ka mid ah mudanayaasha Barlamanka Puntland.
Hadal haynta ugu badan deegaanada Puntland ayaa ah cidday dooran doonaan Xildhibaanada Puntland, ka dib is-casilaadii Siciid Xasan Shire.
Xukuumadda Puntland, ayaa dhinaceeda loolan ugu jirta, sidii loo dooran lahaa gudoomiye la jaan qaadi kara hawlaheeda, balse waxaa laga dhu-rsugi doonaa cidda ku soo baxda kursigan.
GAROWEONLINE
